Prezadas amigas e prezados amigos: Teño a ben informarvos que a Asociación Cultural Mesa das Verbas de Vilagarcía de Arousa e o Centro Comer...
Prezadas amigas e prezados amigos:
Teño a ben informarvos que a Asociación Cultural Mesa das Verbas de Vilagarcía de Arousa e o Centro Comercial Arousa teñen convocado o III CONCURSO LITERARIO LETRAS GALEGAS - 2022, pregamos a súa difusión e ánimos para participar. Co ánimo de promover a creación literaria na nosa lingua para as xentes do común, para que esperte en nós o literato que levamos dentro.
Para a vosa información podedes clicar en:
www.mesadasverbas.blogspot.com
Tamén se adxuntan as bases.
Saúdos,
Xermán Manuel Torres
Presidente da Asociación Mesa das Verbas de Vilagarcía de Arousa
12mar.2022 13mar.2022 14mar.2022
SAÚDE, VERBAS E VERSOS!!!
BASES III CONCURSO LITERARIO LETRAS GALEGAS/2022 CONVOCADO E ORGANIZADO POLA MESA DAS VERBAS E O CENTRO COMERCIAL AROUSA
- 1.- Convócase este III CONCURSO LITERARIO LETRAS GALEGAS / 2022, idea e organización da Mesa das Verbas e do Centro Comercial Arousa co fin de promover e promocionar a creación literaria en lingua galega.
- 2.- Poderá participar neste concurso calquera persoa que o desexe que necesariamente acepta as presentes bases, propostas polas entidades colaboradoras, así como tamén acepta todas as decisións do xurado (que estará composto polos autores premiados na edición anterior, se fose posible; senón as entidades que promoven o concurso designarán ao xurado) e que terá a capacidade de dirimir e interpretar todo o concernente a este concurso e as súas decisións serán inapelables. A participación no concurso supón a aceptación e asunción destas bases. En caso de menores de idade acompañarán no sobre pequeno a autorización do pai ou da nai ou do titor/a legal, así como a autorización da xestión do datos persoais só a efectos de cuestións relacionadas con este concurso (a autorización do manexo dos datos persoais tamén será enviada polos concursantes maiores de idade).
- 3.- Cada persoa poderá presentar un máximo de tres obras, que poderán pertencer a calquera xénero e estilo literario. A obra terá que estar escrita en idioma galego, ser orixinal e inédita, de tema libre. Non podendo ser coñecida nin premiada en calquera outro certame.
- 4.- A extensión máxima de cada obra será dun folio por unha soa cara. Os traballos presentaranse en sobre con plica. O orixinal do traballo non pode levar ningún sinal, marca ou calquera outra cousa que poida identificalo. O traballo será acompañado cun sobre pequeno con lema, a xeito de plica, neste sobre irán os datos do autor: Nome e apelidos, NIF, un número de teléfono, enderezo postal, enderezo electrónico, este pequeno sobre pechado estará dentro do sobre grande xunto co orixinal. O sobre grande tamén pechado, levará escrito o mesmo lema que o sobre pequeno.
- 5.- O prazo de entrega será ata o propio 17 de maio de 2022 (inclusive). As obras serán depositadas nas urnas que se colocarán ao efecto nas dependencias do Centro Comercial Arousa.
- 6.- Os premios non poderán declararse desertos.
- 7.- A entrega de premios terá lugar o venres, 27 de maio de 2022, conmemorando o Día das Letras Galegas, nunha edición especial da Mesa das Verbas, a partires das 20:00 h. na sala de usos múltiples, no 1º andar do Centro Comercial Arousa de Vilagarcía de Arousa.
- 8.- Os premios serán os seguintes:
- - 1º PREMIO: 60 €, un vale de compra do Centro Comercial Arousa por valor de 60 €, e diploma.
- - 2º PREMIO: 40 €, un vale de compra do Centro Comercial Arousa por valor de 40 €, e diploma.
- - 3º PREMIO: 20 €, un vale de compra do Centro Comercial Arousa por valor de 20 €, e diploma.
- 9.- Os autores ceden todos os seus dereitos sobre as obras, durante o prazo dun ano a partires da data da entrega de premios, por se as entidades convocantes tiveran a oportunidade da publicación das obras premiadas. Transcorrido ese ano, reverterían de novo nos seus autores.
- 10.- As obras non premiadas poderán retirarse ata o 17/06/2022, acreditando debidamente ser a autora ou autor, despois desa data serán destruídas.
- 11.- A participación neste concurso implica a total e plena aceptación destas bases.
Vilagarcía de Arousa, 1 de marzo de 2022
24mar.2022 25mar.2022 26mar.2022 27mar.2022 27mar.2022 28mar.2022 29mar.2022 30mar.2022 31mar.2022 01may.2022
EVENTOS ANTERIORES PASADOS
CONCURSO de Cartas de Amor en prosa ou en verso | ata 14feb 2022
Ya puedes participar en el 3º Concurso de Cartas de Amor de A mesa das verbas y el Centro Comercial Arousa
Concurso de Cartas de Amor (en prosa ou en verso)
As tres mellores cartas recibirán un vale 50€ para gastar en calquera establecemento do Centro Comercial Arousa.
Condicións:
- Textos orixinais en galego ou castelán
- Máximo un fólio por unha cara, prosa ou verso
- Recepción de obras ata o 14 de febreiro incluido, nunha furna instalada na primera planta do Centro Comercial
- Sen nome, sen firmar. So número de teléfono para contacto
- Un xurado evaluará as cartas e elixirá as premiadas
- A entrega de premios será o venres 18 na próxima edición da Mesa das Verbas, na segunda planta do Centro Comercial Arousa
